Finale dramatike, Kupa të Juventusi 

Futboll

Finale dramatike, Kupa të Juventusi 

Nga: K.Goca Më: 19 maj 2021 Në ora: 22:56
Finale dramatike, Kupa të Juventusi 

Finale dramatike, Juventusi fiton Kupën e Italisë.

”Zonja e Vjetër” e mposhti me rezultat 2:1 Atalantën.

Tre gola dhe secila më i bukur se tjetri, në një finale interesante.

Në minutën e 31-të, pas një rrëmuje në zonë, McKennie asistoi për bukuri deri të Dejan Kulusevski, i cili nga një pozitë si anash e nga rreth 14 metra shënoi supergol në shtyllën e dytë (në këndin djathtë), 0:1 për Juven.

Image

Nuk vonoi shumë dhe skuadra nga Bergamo barazon rezultatin. 

Futbollisti Ruslan Malinovsky nga rreth 15 metra me një goditje të fortë shënoi në këndin e majtë të ‘Zonjës së Vjetër’, 1:1.

Në minutën e 73-të, Kalusevski asistoi për Federico Chiesa, i cili doli i vetmuar dhe me një goditje të fortë e mposhti portierin Gollini. 

Shqiptari Berat Gjimshiti u paraqit nga minuta e 77-të, me gjithë orvatjet nuk arritën të barazojnë rezultatin.

Trajneri i Juves, Pirlo, megjithatë e shpëton sezonin, duke fituar Kupën e Italisë, por ende nuk dihet se a do të sigurojnë biletën për në Champions League.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat