Guardiola flet për finalen ndaj Chelseat

Futboll

Guardiola flet për finalen ndaj Chelseat

Më: 24 maj 2021 Në ora: 15:51
Pep Guardiola

Menaxheri i Manchester Cityt, Pep Guardiola ka vlersuar Cheslean si skuadër e fortë.

Pep Guardiola ka folur në konferencën për shtyp para ndeshje me Cheslean në finale të Ligës së Kampionëve e cila do të mbahet të shtunën.

Tekniku spanjoll vlerësoi se Chelsea është një skuadër e fortë e cila është shumë e rrezikshme, por se City e di këtë dhe duke u nisur nga ky fakt, ata duan t’i mposhtin londinezët.

“Ndoshta nuk e shpjegoj mirë, kur ata kanë topin në posedim është e vështirë t’i kontrollosh lojtarët e tyre nga afër, mesfushorët e tyre lëvizin perfekt. Ata e zgjerojnë fushën me anësorë dhe me Wernerin i cili kthehet më poshtë”, tha ai.

“Ata kombinohen mirë me Pulisic dhe Mount, janë shume të drejtpërdrejtë. Unë e pashë ndeshjen e tyre me Aston Villan, ata luajtën mirë, e kontrolluan ndeshjen, këtë gjë e bëjnë në mënyrë perfekte. Është një finale e Ligës së Kampionëve, nuk mund të prisja një kundërshtar më të vështirë”, tha Guardiola.

“E dimë, mirë, do të përballemi me ta, duke e ditur çfarë të bëjmë dhe ti mposhtim ata. Unë jam më i brengosur se çfarë do të bëjmë me top. Strategjia jonë është e fokusuar me top, dhe kjo është çfarë do të bëjmë”, përfundoi Pep Guardiola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat