Marash Kumbulla mezi e pret përballjen me Uellsin.
Shqipëria do të luajë të shtunën miqësoren e parë për qershor dhe do të jetë Uellsi i Gareth Bale që do të ketë punë me Kombëtaren shqiptare.
Kumbulla i Romës, në një intervistë për Goal, ka deklaruar se kjo sfidë do ta ndihmojë atë dhe Shqipërinë në përgjithësi që të rritet.
“Jam shumë i ngazëllyer. Uellsi ka shumë lojtarë të talentuar dhe është ndeshje që do ta ndihmojë Shqipërinë që të rritet”, ka thënë Kumbulla për Goal.
“Po pres vërtet që të përballem me Bale-n. Jam gjithmonë i ngazëllyer që të luaj kundër kampionëve të mëdhenj sepse më ndihmon që të fitoj më shumë përvojë”.
