Dilema se cili është lojtar më i mirë mes Messit dhe Ronaldos vazhdon ende dhe nuk ka fund.
Së fundmi në lidhje me këtë krahasim ka folur një madrilen i thekur, Vicente del Bosque.
Ish-trajneri i Real Madrid dhe kombëtares së Spanjës zgjedh Messin mes atyre të dyve dhe arsyeton përse merr këtë vendim.
“Messi apo Ronaldo? Messi dhe do të tregoj pse, nuk është për mungesë cilësie të Ronaldos. Leo është fëmijë i dalë nga rruga, çun lagjeje. Një nga ata që ti e ke kundër dhe tallet me ty në fushë. Kjo është arsyeja përse Messi është më i miri në botë”, tregoi Del Bosque.
Kjo do të thotë, ish-trajneri beson se ‘ligësia’, kreativiteti dhe improvizimi që kapiteni i Argjentinws ka fituar nw ndeshjet mes lagjeve, e ka bërë atë futbollistin më të shquar në botë sot..
