Gazetari italian zbulon dëshirën e argjentinasit!
Agjenti i Paolo Dybalas, Jorge Antun ishte i pranishëm sot në Milano, çka shtoi thashethemet e një transferimi të argjentinasit tek kuqezinjtë. Megjithatë, menaxheri i lojtarit ka mohuar kategorikisht të gjithë zërat se është takuar me skuadra të tjera.
Gazetari italian i dedikuar për transferimet, Fabrizio Romano, deklaroi se për momentin Dybala është i fokusuar vetëm tek Juventusi dhe është duke diskutuar të ardhmen me drejtuesit e klubit.
Argjentinasi ka shprehur hapur dëshirën për të qëndruar në Torino, teksa pritet nëse do të arrihet një marrëveshje midis Juventusit dhe lojtarit për të rinovuar kontratën.
