Ramadani: T’i gëzohemi njëherë këtij kalimi

Futboll

Ramadani: T’i gëzohemi njëherë këtij kalimi

Më: 26 qershor 2021 Në ora: 11:21
Ramadani: T’i gëzohemi njëherë këtij kalimi

Prishtina ka mposhtur Inter d’Escalandes në finalen e raundit paraeliminator me rezultat 2:0.

Më këtë fitore Prishtina do të luajë në raundin e parë të kualifikimeve ndaj Fernecvarosit.

Trajner i Prishtinës, Zekirija Ramadani, është ndarë i lumtur me lojën e treguar dhe fitore, ndërsa foli edhe për kundërshtarin e radhës.

“Objektivi ka qenë i qartë që të kalohet ky turne dhe mendoj se jo vetëm Prishtina, por të gjithë kampionët tjerë paraprak të Kosovës e kanë kaluar këtë raund preliminar duke dëshmuar që kampioni i Kosovës nuk e ka vendin nga ky raund, por nga ajo e para kualifikuese”.

“T’i gëzohemi njëherë këtij kalimi, pastaj do të mendojmë edhe për ndeshjen e radhës e që normal tani favorit kryesor është ekipi kundërshtar, mirëpo për secilin prej nesh është motiv shtesë për ta treguar kualitetin përball Ferencvarosit”.

“Kurse, sa i përket ndeshjes, ishte ndeshje e mirë, kishim një kundërshtar që të paktën e njihnim, jo si kundërshtari paraprak, por nga fotot që i publikuan u duk se edhe ata kishin pasur ndeshjet tona duke i qasur profesionalisht këtij takimi”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat