Antoine Griezmann pritet të largohet nga Barcelona, por vetëm për të shkuar në Atletico Madrid. Me këtë, të gjitha ofertat e tjera të propozuara që ishin përfolur ditët e fundit janë mbyllur.
Francezi duket se është kandidati kryesor për të lënë Barcelonën shkaku i pagës që ai e merr.
Por sipas ‘Sport’, nëse francezi nuk arrin të bindë Barçën për të qëndruar, si destinacionin e tij të ardhshëm e sheh vetëm Atletico Madridin, shkruan besoccer.
Kjo do të thotë që nëse ata në kryeqytetin spanjoll nuk janë në gjendje të arrijnë një marrëveshje, Griezmann do të qëndrojë në Camp Nou. Prandaj, të gjitha thashethemet e tjera do të përjashtoheshin automatikisht, duke e vendosur Barçën në një situatë të vështirë.
Francezi u bashkua me bashkëlojtarët në stërvitjet para-sezonale dhe është duke qëndruar larg nga fjalët në lidhje me largimin e tij.
Sidoqoftë, është e njohur mirë marrëdhënia që francezi kishte me trajnerin e Atletit, Diego Simeone, i cili do të ishte një faktor kryesor në sigurimin e kthimit të tij. Sido që të jetë, numri 7 i Barçës duket se ia ka bërë të qartë klubit se cilat janë interesat e tij dhe nuk ka dyshim se njëri prej tyre do të ishte një kthim në kryeqytetin spanjoll.
