Lojërat Olimpike “Tokio 2020” tanimë kanë filluar, e po ashtu edhe ndeshjet e futbollit në kuadër të femrave.
Përveç xhudistes kosovare Distria Krasniqi, e cila po e bën krenare Kosovën në Tokio, paraqitje të mira është duke treguar edhe futbollistja me prejardhje shqiptare Kosovare Asllani, përcjell KosovaPress.
Në paraqitjen e 150-të të Asllanit në fanellën e Suedisë, ajo luajti 90 minuta në takimin me Australinë, të cilin futbollistet suedeze e fituan me rezultat 4:2, ku edhe regjistroi një asistim tek goli i fundit i Suedisë.
Me fitoren e sotme, Kombëtarja Suedeze ka arkëtuar gjashtë pikë në Grupin G, ku edhe si lidere e kryeson atë, ndërsa në pozitën e dytë gjendet Australia me tre pikë, kurse pozitën e tretë dhe të katërt e zënë Zelanda e Re dhe Amerika me zero pikë.
