Orari i ndeshjeve të Kosovës në shtator

Futboll

Orari i ndeshjeve të Kosovës në shtator

Më: 23 gusht 2021 Në ora: 22:17
Foto ilustrim

Fillimi i muajit shtator do të jetë koha kur Kombëtarja e Kosovës në futboll do të vazhdojë ciklin e radhës të ndeshjeve kualifikuese për Kampionatin Botëror që zhvillohet vitin e ardhshëm në Katar.

“Dardanët” do t’i luajnë tri ndeshje kualifikuese, dy prej të cilave në Prishtinë, në stadiumin “Fadil Vokrri”.

Fillimisht, Kosova do të udhëtojë për t’u përballur me Gjeorgjinë më datë 2 shtator me fillim nga ora 18:00.

Tri ditë më vonë, më 5 shtator Kosova e pret Greqinë në stadiumin “Fadil Vokrri” me fillim nga ora 20:45.

Kurse ndeshjen e fundit të shtatorit “Dardanët” e zhvillojnë po ashtu në “Fadil Vokrri. Më 8 shtator Kosova e pret fuqinë botërore, Spanjën me fillim nga ora 20:45. 

comment Për komente lëvizni më poshtë
Sot mund të lexoni Shfletoni kopertinat