Përkundër barazimit 1-1 ndaj Bullgarisë, kombëtarja e Italisë mbetet në vendin e parë në grupin eliminator për Botërorin “Katar 2022”, duke barazuar një rekord.
Ndeshja e mbrëmshme ishte e 35-ta me radhë që ‘Azzurët’ nuk kanë humbur duke barazuar kështu rekordin që mbante Brazili me 35 lojë pa humbje gjatë viteve 1993-1996 aq sa kishte edhe Spanja në vitet 2007-2009.
Italia nuk njeh humbje që nga viti 2018, pra kanë kaluar tre vite që nga disfata e tyre. Një gjeneratë shumë e suksesshme kjo e ekipit të Roberto Mancinin që vetëm pak javë më parë arriti të fitojë Kampionatin Evropian.
Ndërkohë UEFA sot konfirmoi se finalën e Kampionatit Evropian në Londër, në mes Italisë dhe Anglisë , e kanë shikuar plot 328 milion spektatorë.
