Kapiteni Xherdan Shaqiri dhe Baseli kanë zhgënjyer para tifozëve të tyre, duke pësuar humbje me rezultat 2:0 nga Luzerni, në takimin e javës së 14-të të kampionatit zviceran.
Shaqiri u paraqit vetëm në pjesën e parë, duke u zëvendësuar në pushimin mes dy pjesëve. Ishte një mbrëmje e keqe si për të, ashtu edhe për skuadrën e Baselit.
Për fitoren e mysafirëve shënuan Tshikomb (39') dhe Fernandes (86').
Luzerni renditet në vendin e shtatë me 16 pikë, një më shumë se Baseli, që gjendet në vendin e tetë.