Arsenali jep detajet e fundit rreth lëndimit të Xhakës

Futboll

Arsenali jep detajet e fundit rreth lëndimit të Xhakës

Më: 18 tetor 2021 Në ora: 16:12
Granit Xhaka

Arsenali do të luajë sonte ndaj Crystal Palace në ndeshjen përmbyllëse të xhiros së tetë në Premier League.

Përpara sfidës, klubi londinez ka njoftuar për më të rejat e skuadrës nga lëndimet.

Nga skuadra e Arsenalit, vetëm Granit Xhaka mbetet i lënduar, gjersa pjesa tjetër e skuadrës janë të gatshëm për selektim.

“Gjuri i djathtë. Granit po bën përparim të mirë në fazat fillestare të shërimit të tij nga një dëmtim mesatar i ligamentit të gjurit të pësuar në 26 shtator. Qëllimi aktual është që Granit të kthehet në stërvitje të plotë herët në Vitin e Ri.

Të gjithë lojtarët e tjerë në skuadrën e meshkujve janë aktualisht të gatshëm dhe të disponueshëm për përzgjedhje, me të gjithë lojtarët që kthehen nga detyra ndërkombëtare pa probleme aktuale të rëndësishme.

Si pjesë e protokollit të Premier Ligës, të gjithë anëtarët e skuadrës sonë të parë dhe stafi ndihmës vazhdojnë të testohen rregullisht për COVID-19”, thuhet ndër të tjera në faqen zyrtare të klubit londinez.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat