Mourinho konsumon darkën në shkallët e stadiumit

Futboll

Mourinho konsumon darkën në shkallët e stadiumit

Më: 28 tetor 2021 Në ora: 09:52
José Mourinho

Trajneri portugez, José Mourinho, pas fitores 1-2 ndaj Cagliarit, ka ndarë një fotografi në llogarinë e tij në Instagram, ku shihet duke darkuar në shkallët e stadiumit.

I pezulluar  kundër Napolit, Mou komenton: "Loja mbaroi… 3 pikë … Ushqim i mirë (nuk mund të shkoj në dhomat e zhveshjes) dhe një fëmijë tjetër,” tha ai duke iu referuar futbollistit të akademisë, i cili debutoi dje me ekipin e parë.

Rikthimi në Cagliari duket se i qetësoi pak ujërat trajnerit , i cili donte të vinte humor në një javë shumë të vështirë në klub. Humbja poshtëruese e Romës ndaj Bodo Glimt, në të cilën portugezi pësoi humbjen më të madhe në karrierë, ka lënë pasoja për klubin e kryeqytetit italian.

Gonzalo Villar, Borja Mayoral, Reynolds, Diawara dhe Kumbulla janë të “dënuarit” e trajnerit portugez pas katastrofës , të cilët i ka lënë jashtë në dy ndeshjet e fundit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat