Evra: Ferguson na shndërroi në robotë

Futboll

Evra: Ferguson na shndërroi në robotë

Më: 28 tetor 2021 Në ora: 12:26
Evra: Ferguson na shndërroi në robotë

A mund të lodhesh së fituari? Çdo futbollist do të thotë “jo”, por Patris Evra ka një tjetër anë të historisë për të treguar kur luante për Manchester Utd.

Ish-mbrojtësi anësor tregon se Sër Aleks Ferguson i shndërroi futbollistët e tij në makineri:

“Mendoj se kur fiton kampionatin për herë të parë, është diçka speciale, por do të jem i sinqertë: kur nis të fitosh të tretin, të katërtin, të pestin, e feston gjithsesi, por jo në të njëjtën mënyrë.

Feston sepse janë kamerat dhe gjithçka tjetër atje, por nuk është e njëjta gjë. Ferguson na mësoi të ishim si robotë. Nuk mendoj se isha një qenie njerëzore kur luaja me Manchester Utd.

Kur fitonim, kur luaja mirë, nuk isha i kënaqur. Për mua ishte diçka normale”, tregon francezi për kanalet zyrtare Manchester Utd

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat