Maguire vlerëson kuqezinjtë

Futboll

Maguire vlerëson kuqezinjtë

Më: 13 nëntor 2021 Në ora: 00:30
Maguire vlerëson kuqezinjtë

Anglia ka arritur që të fitojë me shifrat 5-0 ndaj Shqipërisë në Wembley. Sikur të mos mjaftonte mungesa e Gjimshitit dhe lënia në tribunë e Brojës, brenda pak minutash do të na dëmtohej Marash Kumbulla dhe Keidi Bare.

Kështu situata do të dilte nga kontrolli dhe në pjesën e parë, kuqezinjtë u dorëzuan totalisht ndaj rivalit.

Menjëherë pas përfundimit të takimit, Southgate ka vlerësuar 45 minutat e para të ekipit të tij dhe njëkohësisht kundërpërgjigjen e marrë pas gabimit me Hungarinë.

“Ishte një paraqitje shumë e mirë e ekipit tonë, sidomos në pjesën e parë. U zgjuam nga ajo ndeshje e fundit me Hungarinë dhe ishim të balancuar, ishim shumë të fortë në 45 minutat e para, sidomos me cilësitë individuale., tha Southgate.

Nga krahu tjetër ishte Maguire, autori i golit të parë që ka vlerësuar Shqipërinë: “Ne e theksuam që para ndeshjes se duhej ta nisnim sa më mirë. Ishte një paraqitje e shkëlqyer dhe e bëmë ne Shqipërinë që të duket e dobët.

Ata e kanë treguar veten me rezultatet e fundit dhe vendin se ku janë në tabelë se mund t’i shkaktojnë probleme ekipeve”, tha Maguire.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat