Lille vazhdon me formën e dobët këtë sezon

Futboll

Lille vazhdon me formën e dobët këtë sezon

Më: 19 nëntor 2021 Në ora: 23:12
Foto ilustrim

Nuk ka këndellje për kampionin aktual të Francës, Lille në edicionin 2021/22. Ata barazuan 2:2 sonte me Monacon në udhëtim dhe e çuan në katër numrin e ndeshjeve radhazi pa fitore kampionale.

Nga lider i padiskutueshëm sezonin e kaluar, Lille momentalisht gjendet në pjesën e dytë në renditjen tabelare në Ligue 1.

Me barazimin sonte, Lille shkon në kuotën e 17 pikëve dhe pozicionohet në vendin e 12-të, 17 pikë larg liderit, Paris Saint-Germain.

Nga 14 ndeshjet e zhvilluara, Lille ka katër fitore, pesë barazime dhe pesë humbje, duke zhgënjyer me formën aktuale.

Për më tepër, atyre iu largua edhe trajneri që i bëri kampion, Christophe Galtier, i cili mori drejtimin e Nice, i cili po ecën mjaft mirë, duke u renditur i treti me 23 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat