Partizani përmbys Teutën në minutën e 96-të

Futboll

Partizani përmbys Teutën në minutën e 96-të

Më: 26 nëntor 2021 Në ora: 18:57
Partizani përmbys Teutën në minutën e 96-të

Partizani ka marrë një fitore të madhe me përmbysje ndaj Teutës duke fituar 2-1 në “Elbasan Arena”. 

Një ndeshje e denjë për filma me dramë kjo e luajtur në Elbasan, ku mbizotëroi tensioni dhe kartonët e kuq. Ishte Teuta që kaloi e para në avantazh më Pepi Gjorgiev në minutën e 26-të të takimit.

Në të dytën, të kuqtë u hodhën në sulm për të gjetur barazimin, por erdhi vetëm në minutën e 90-të nga një penallti e shndërruar në gol nga Zhunior.

Më herët, Aleksi dhe Albion Marku lanë lojtarët me 10 lojtarë pas një përplasje. Përmbysja e çmendur erdhi në minutën e 96-të ku Tedi Cara pas një veprimi të bukur mposhti Pano Qirkon duke i dhuruar 3 pikë Partizanit.

Sfida u luajt deri në minutën e 100-të, por rezultati nuk ndryshoi. Teuta mbetet në krizë rezultatesh, ndërsa të kuqtë shohin dritë në fund të tunelit pas disa rezultateve negative, shkruan Panorama Sport.

PARTIZANI-TEUTA 2-1

Zhunior 90′ , Cara 90+6′ / 26′ Gjorgiev

KK: Marku 86′ / Aleksi 86′.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat