Vrioni nuk di të ndalet në Austri

Futboll

Vrioni nuk di të ndalet në Austri

Më: 27 nëntor 2021 Në ora: 17:41
Vrioni nuk di të ndalet në Austri

Xhiakomo Vrioni po kalon padyshim edicionin më të suksesshëm të karrierës së tij. Sulmuesi i përfaqësueses shqiptare po shënon me rregullsi ndeshje pas ndeshje dhe është kthyer në liderin e Tirolit, dukke e larguar këtë skuadër nga fundi i tabelës së klasifikimit në Austri.

Sot, në ndeshjen kundër Altah, ai u bë protagonist i sfidës që në minuta e parë të saj. Vrioni depërtoi në zonën e rreptësisë së kundërshtarëve dhe fitoi penallti pas një kontakti në zonë.

Sulmuesi shqiptar u paraqit vetë nga pika e bardhë, duke ekzekutuar me qetësi e çuar ekipin e tij në avantazh me një goditje “alla Zhorzhinjo”, me kërcimin tipik të italianit që është bërë i famshëm në të gjithë botën.

Ky ishte goli i 8 i sulmuesit shqiptar në kampionat, në vetëm 11 ndeshje të luajtura dhe është plotësisht në garë për golashënuesin më të mirë të kampionatit, pasi Adejemi që mban vendin e parë ka shënuar 11 gola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat