Arteta: Në pjesën e parë ishim në gjumë

Futboll

Arteta: Në pjesën e parë ishim në gjumë

Më: 27 nëntor 2021 Në ora: 18:33
Arteta: Në pjesën e parë ishim në gjumë

Arsenali fitoi 2-0 ndaj Newcastle, duke reaguar mirë pas humbjes së thellë me Liverpool. Djemtë e Mikel Artetës arritën suksesin e tretë radhazi shtëpiak në Premier falë golave të Saka dhe Martinellit në pjesën e dytë.

Trajneri Arteta i gëzohet fitores, pjesa e parë nuk i pëlqeu, por Arsenali ishte një tjetër ekip pas pushimit dhe e meritoi fitoren.

“Në pjesën e parë luajtëm ashtu siç ishim përgatitur, por nuk krijuam raste të rrezikshme. U treguam të ngathët dhe nuk i sulmuam mirë hapësirat.

Në pjesën e dytë ndryshuam diçka dhe luajtëm me një ritëm më të kënaqshëm”, deklaroi trajneri spanjoll, i cili u ndal edhe te dy golat e fitores.

“Goli i Saka, për shembull, ishte i mrekullueshëm. Vetëm në atë mënyrë mund t’i çajmë mbrojtjet e ngjeshura si e Newcastle, por duhet të vazhdonim të sulmonim pas golit të dytë”, theksoi Mikel Arteta në prononcimin pas ndeshjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat