Gjimshiti vlerësohet me notë pozitive kundër Juventus

Futboll

Gjimshiti vlerësohet me notë pozitive kundër Juventus

Më: 28 nëntor 2021 Në ora: 12:20
Gjimshiti vlerësohet me notë pozitive kundër Juventus

Atalanta arriti të dilte me tre pikë ditën e djeshme teksa mposhti për llogari të kampionatit Juventusin me rezultatin 0-1. Si zakonisht, titullar për bergamaskët ishte edhe Berat Gjimshiti.

Mbrojtësi i kombëtares ishte edhe njëherë tjetër protagonist pozitiv për të tijtë, ndërsa paraqitjes së zakonshme në mbrojtje i shtoi edhe asistin për golin e Duvan Zapata.

Ndaj, në fund të sfidës edhe nota për 28-vjeçarin nuk kishte si të mos ishte e lartë, teksa Eurosport e kishte vlerësuar paraqitjen e shqiptarit me 6.5.

“Tregohet shumë i zoti me Moratën duke shfrytëzuar gabimin e spanjollit dhe nis topin për Zapatën, i cili shënon golin vendimtar. Për pjesën tjetër të ndeshjes është shumë i qetë, por edhe mjaft efektiv”, shkruhej në përshkrimin e Eurosport për paraqitjen e Gjimshitit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat