Tifozët e Manchester United do të tregojnë vlerësimin e tyre për Ole Gunnar Solskjaer, me një shfaqje flamuri përpara ndeshjes të së enjtes në mbrëmje kundër Arsenalit në “Old Trafford”.
Solskjaer u shkarkua më 21 nëntor pas pothuajse tre vitesh në krye të “Djajve të Kuq” dhe pas një serie të tmerrshme prej pesë humbjesh nga shtatë ndeshje në Premier League.
Por ‘Stretford End’ do t’i bëjë homazhe legjendës së klubit, me një flamur të madh, ku lexohet ’20LEGEND’ përpara ndeshjes së parë në shtëpi ndaj “Topçinjve” që nga shkarkimi i tij.
Grupi i tifozëve ‘Stretford End Flags’ ka shkruar në Twitter: “Ndërsa ne mirëpresim një trajner të ri në “Old Trafford”, ne do t’i bëjmë homazhe atij që largohet të enjten. Ole ishte një lojtar legjendar dhe ai e çoi përpara klubin si trajner. Ne kurrë nuk arritëm ta falënderojmë siç duhet, kështu që do të vendosim flamurin e sërfit ‘20LEGEND’ në Stretford End.”
Trajneri kujdestar Michael Carrick do të drejtojë ndeshjes së tij të tretë me trajnerin e ri të përkohshëm Ralf Rangnick, ende duke pritur që viza e tij të finalizohet. Gjermani duhet të bindë një panel të FA për kredencialet e tij si trajner, në mënyrë që të sigurojë një leje pune, sepse ai nuk ka drejtuar një klub të lartë në Europë për një kohë të gjatë në pesë vitet e fundit për të përmbushur kriteret për miratimin e trupit drejtues (GBE).
Statusi legjendar i Solskjaer në sytë e tifozëve të United është i sigurt, pavarësisht përfundimit zhgënjyes të mandatit të tij si trajner, i cili pa një humbje 5-0 ndaj Liverpoolit dhe një humbje 2-0 ndaj Manchester Cityt, përpara se humbja 4-1 në Watford të shënonte fundin e tij.
Ish-sulmuesi norvegjez ka shënuar 126 gola në 366 ndeshje për United, duke fituar gjashtë tituj të Premier League dhe duke shënuar fitoren dramatike në finalen e Champions League të vitit 1999.
Mandati i tij si trajner i United përfundoi me tifozët që u zemëruan me të dhe ekipin në Vicarage Road, por mbështetësit duan të tregojnë vlerësimin e tyre për gjithçka që ai ka bërë për klubin si lojtar dhe trajner.
