Do të zbulojë gjithçka të hënën

Futboll

Do të zbulojë gjithçka të hënën

Më: 1 dhjetor 2021 Në ora: 19:06
Do të zbulojë gjithçka të hënën

Ish-presidenti i Chievo-s, Luca Campedelli, duket se ka zbuluar detaje të pathëna më parë në lidhje me hetimin e mashtrimeve me bilancet dhe do ta bëjë të hënën në Report.

Nuk është hera e parë që bilancet e klubeve italiane vihen në shënjestër nga drejtësia. Para rastit që përfshin Juventus-in, në shënjestrën e hetuesve kanë përfunduar Chievo dhe Cesena.

Të dyja skuadrat kanë falimentuar.

Presidenti i asaj që ka qenë Hirushja e Serisë  A, që arriti të luante në fazën paraeliminatore të Champions League në 2006-ën, është rrëfyer në një intervistë ekskluzive për Report.

Në një moment gjatë intervistës, Campedelli ka thënë:

“Nuk e di se çfarë do të bëj pas kësaj interviste… do të kërkoj të vazhdoj përpara. Besoj se është intervista e fundit që do të jap”.

Intervista do të transmetohet të hënën e ardhshme në Rai3.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat