Jose Mourinho është shfaqur si një objektiv i mundshëm për Evertonin, nëse klubi anglez vendos të shkarkojë Rafa Benitez, sipas “Mirror”.
Portugezi mori drejtimin nga Roma në korrik, por do të ishte i gatshëm të rikthehej në Angli nëse paraqitej mundësia e duhur. Presioni ndaj Benitez është rritur pas derbit Merseyside, në të cilin Everton u mund 4-1 nga Liverpool në mesjavë. Kjo humbje e zgjati serinë e keqe të Evertonit në shtatë humbje dhe dy barazime në 10 ndeshjet e fundit të Premier Ligë.
Tifozët vendas u mërzitën dhe përsëri e hoqën zemërimin e tyre mbi trajnerin dhe drejtuesit e “Goodison Park”.
Bashkëpronari Farhad Moshiri e ka mbështetur publikisht Benitezin që atëherë, por vota e besimit do të zgjasë vetëm për një kohë nëse rezultatet nuk përmirësohen. Në rast se vendosin të bëjnë një ndryshim në stol, emri i Mourinhos është ai që tingëllon më shumë.
