Xhiro e 15-të e Premier Ligës së Anglisë do të kompletohet sot me ndeshjen shumë interesante ndërmjet Evertonit dhe Arsenalit që zhvillohet në stadiumin “Goodison Park” me fillim nga ora 21:00.
Skuadra e Rafael Benitez po kalon nëpër një periudhë të errët të rezultateve në këtë edicion duke mos e shijuar fitoren në pesë ndeshjet e fundit ku ka vetëm një barazim dhe katër humbje, kurse ajo e Mikel Artetas së fundi pësoi disfatë në derbi ndaj Manchester United, transmeton KosovaPress.
Arsenali momentalisht është në vendin e shtatë në tabelë me 23 pikë, kurse Evertoni renditet i 16-ti me vetëm 15 pikë pas 14 ndeshjeve.
Në radhët e Arsenalit mungon anësori Sead Kolasinac kurse janë në dyshim edhe Leno dhe Granit Xhaka.
Këto janë formacionet e mundshme:
Everton: (4-4-1-1): Pickford; Coleman, Godfrey, Keane, Digne; Townsend, Allan, Doucoure, Gordon; Gray; Richarlison
Arsenal: (4-2-3-1): Ramsdale; Tomiyasu, White, Gabriel, Tierney; Partey, Lokonga; Saka, Odegaard, Martinelli; Aubameyang
