Edhe Kombëtarja U19 i ka mësuar sot rivalët për kualifikimet e Kampionatit Evropian “Malta 2023”.
“Dardanët” e kësaj gjenerate do të bëjnë pjesë në Grupin 3, së bashku me Ukrainën, Suedinë dhe Qipron.
Ndeshjet e këtij grupi pas konsultimeve ndërmjet federatave u vendos që të zhvillohen në Suedi, më 17/20/23 nëntor 2022.
Në bazë të rregullores së UEFA-s dy skuadrat e renditura në vendet e parë të çdo grupi do të avancojnë në “Elite Round”, së bashku me skuadrën e tretë më të mirë nga 13 grupet e kësaj faze eliminatore.
