Një yll i Premierligës po refuzon të vaksinohet kundër Covid pasi familja e tij është vegan.
Ai, emri i të cilit nuk është bërë publik, u ka thënë mjekëve të klubit se besimet e familjes së tij janë arsyeja që ai nuk është vaksionuar.
Disa veganë kanë vendosur të mos vaksinohen për arsye etike, pasi testimi i kafshëve është një kërkesë ligjore në Mbretërinë e Bashkuar në zhvillimin e vaksinave.
Ky qëndrim është një nga të shumtët që ka habitur dhe irrituar mjekët e klubeve më të mirë. Lojtarë të tjerë kanë thënë se janë të shqetësuar për vaksinën që ndikon në fertilitetin e tyre.
Një klub londinez ka zbuluar gjithashtu se një pjesë e lojtarëve të tyre të krishterë thonë se nuk i besojnë vaksinës, pavarësisht se janë pajisur me prova për t’i qetësuar ata.
Numri i lojtarëve të pavaksinuar shihet nga shumë njerëz si arsyeja që virusi po shpërthen në lojë dhe po shkakton shtyrje.
Një në katër lojtarë të EFL nuk dëshiron të vaksinohet, ndërsa Premierliga zbuloi në tetor se vetëm 68 për qind e lojtarëve ishin të vaksinuar dyfish.
Klubet po ofrojnë një vaksinë përforcuese për të gjithë lojtarët, por nuk mund t’i detyrojnë ata ta pranojnë atë.
Kardiologu më i mirë sportiv në Mbretërinë e Bashkuar, Profesor Sanjay Sharma paralajmëroi këtë javë se Premierliga do të ‘përplaset’ nëse lojtarët nuk janë vaksinuar plotësisht.
