Trajneri i Paris Saint-Germain, Mauricio Pochettino, e ka hequr Mauro Icardin nga afati kalimtar i futbollistëve, duke i dërguar mesazh të qartë Juventusit.
Raportohet se Juventusi është shumë i interesuar për ish-sulmuesin e Interit dhe mund të tentojë ta afrojë në janar.
Por shefi i skuadrës së PSG-së ka këmbëngulur se bashkëkombësi i tij është i rëndësishëm për klubin.
“Nuk ka marrë pjesë në ndeshje kur do të kishte dashur, për arsye të ndryshme, por të gjithë lojtarët janë të rëndësishëm në ekuilibrat e një ekipi dhe ai është i rëndësishëm për ekuilibrin tonë. Është një lojtar që çdo skuadër do ta donte”, ka thënë trajneri i PSG-së në prag të ndeshjes së kampionatit kundër Lorient.
Në lidhje me konkurrencën mes portierëve Keylor Navas e Gianluigi Donnarumma, Pochettino tha se ajo iu bën mirë të dyve.
“Besoj se ka qenë operacioni i duhur. Ka gjithmonë momente vështirësie, pranimi dhe zhvillimi. Konkurrenca është e mirë. Kur merr vendime të tilla, ka gjithmonë dyshime se çfarë do të ndodhë. Duhet t’u bëjmë komplimentet lojtarëve, portierëve, sepse e kanë kuptuar situatën”.
