Pjesa e parë e derbit të kryeqytetit u mbyll me rezultatin 0-1 për Tiranën, që kaloi në avantazh falë golit me kokë të Florian Përgjonit në minutën e 27-të.
Tensioni dhe adrenalina janë të mëdha në përballjen më të rëndësishme të Abissnet Superiores, pasi askush nuk dëshiron të dështojë në këtë takim.
Një episod interesant ndodhi në tunelin e dhomave të zhveshjes, me trajnerin Ilir Daja që u kap nga kamerat e Supersport duke u thënë diçka arbitrave.
Trajneri i Partizani vijoi diskutimin me Tefik Osmanin, drejtorin sportive të Tiranës, të cilin e ka pasur edhe futbollist te Skënderbeu e Elbasani.
