Samir Nasri ka zbuluar se një herë e kishte sharë Roberto Mancinin dhe e ‘fyente me të gjithë emrat’ gjatë një mosmarrëveshjeje shpërthyese mes dyshes në Manchester City.
Mancini nënshkroi me Nasrin për Cityn në verën e vitit 2011, me klubin që shpenzoi 25 milionë funte nga Arsenali.
Francezi pati sukses të madh në Etihad, duke regjistruar 27 gola dhe 40 asistime në 176 paraqitje, ndërsa fitoi dy tituj të Premier Ligës.
I pari nga ata tituj erdhi nën Mancinin, kur ai grumbulloi 30 paraqitje në ligë për të ndihmuar Cityn të bëhet kampion për herë të parë në 44 vjet.
Gjithsesi, Nasri nuk ishte gjithmonë sy më sy me shefin e Cityt, me francezin duke kujtuar një situatë tensionuese gjatë një udhëtimi në Wolves në fundin e kampanjës së tyre fituese të titullit.
“Në pjesën e parë, ai vazhdoi të fliste me mua. I thashë të ndalonte. Nëse nuk jeni të lumtur, më nxirrni jashtë”, tha ai për ‘Canal +’, nëpërmjet DH.
“Unë bëhem gati të dal në pjesën e parë. Në dhomën e zhveshjes heq këpucët dhe i them Yaya Toures, i cili është ulur pranë meje, se nëse më flet keq, do t’i hedh këpucët, sepse trajneri nuk i respektonte dhe u fliste keq lojtarëve.
“E ofendova me të gjitha emrat. Edhe fëmijët e tij që vinin ndonjëherë për të luajtur në rezervë apo që stërviteshin me ne.
“Unë u nisa për në Paris të nesërmen. Dy ditë më vonë, isha në pankinë kundër Manchester United. Presidenti erdhi nga Abu-Dhabi për të na parë dhe i tha Mancinit se nëse do të isha i aftë, do të fitonim.
“U ktheva në skuadër dhe u rregulluam me një aeroplan privat që ai e pagoi me mua sepse duhej të kthehesha nga Parisi”, ka deklaruar ish-mesfushori i Arsenalit.
