Dy lojtarë mposhtin virusin

Futboll

Dy lojtarë mposhtin virusin

Më: 14 janar 2022 Në ora: 13:19
Kukësi

Klubi i Kukësit lajmëroi para disa ditëve se COVID-19 kishte depërtuar mes lojtarëve dhe stafit të verilindorëve duke konfirmuar në total 10 të infektuar (7 futbollistë dhe 3 pjesëtarë të stafit teknik). Për këtë arsye edhe ndeshja e fundjavës ndaj Dinamos, e pragramuar për të shtunën u zhvendos të mërkurën në mënyrë që të mos rrezikohej një përhapje më e gjerë e virusit.

Megjithatë, sot vijnë lajme pozitive nga kampi i Kukësit teksa dy futbollistë kanë mposhtur coronavirusin dhe mund të vijojnë normalisht përgatitjet me trajnerin Diego Longo.

Fjala është për Edi Basa dhe 18-vjeçarin Eugen Sula. Dy lojtarë të cilët në këtë sezon kanë pasur besimin e teknikut italian, teksa sulmuesi kroat është edhe golashënuesi më i mirë i skuadrës me shtatë gola të realizuar në 15 ndeshje duke i dhuruar shpeshherë ekipit të tij pikë të çmuara.

Tashmë, ambienti te Kukësi është më i qetë ndërsa në klub janë në pritje edhe të negavitizimit të pjesës tjetër për ta lënë njëherë e mirë pas krahëve historinë e COVID-it, ndërsa përgatiten për të debutuar në stadiumin e ri, Kukës Arena.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat