Sipas raporteve të shumta në Itali, Chelsea ka refuzuar ofertën e huazimit të Juventusit për Ruben Loftus Cheek dhe bardhezinjtë nuk do ta lejojnë Arthurin t’i bashkohet Arsenalit pa një zëvendësim.
Gazeta ‘Tuttosport’ dhe ‘Calciomercato.com’ raportojnë se Blutë e kanë informuar tashmë Juventusin se nuk do ta lejojnë 25-vjeçarin të largohet nga Stamford Bridge me një marrëveshje të përkohshme në janar.
Juventusi është duke luftuar financiarisht, kështu që ata mund të nënshkruajnë vetëm lojtarë të rinj në një transferim të lirë ose në huazim me një opsion për të blerë.
Sigurisht, fituesit e Ligës së Kampionëve të vitit 2021 nuk janë të hapur për të huazuar Loftus Cheek për vetëm gjashtë muaj, kështu që Juventusi duhet të vazhdojë kërkimin e tyre për një zëvendësues të mundshëm për Arthurin.
‘Topçinjtë’ duan ta huazojnë mesfushorin brazilian deri në fund të sezonit, duke paguar pagën e tij deri në qershor.
Arthur nuk është një titullar i rregullt në Torino, por Juventusi duhet së pari të gjejë një zëvendësues për ish-lojtarin e Barcelonës.
Trajneri i Juventusit, Allegri, komentoi statusin e mesfushorit brazilian gjatë konferencës së sotme për shtyp, duke sugjeruar se ai nuk do të largohet nga Torino në janar.
“Nuk dua të përsëris veten. Ne duhet të arrijmë në fund të sezonit me këta lojtarë në mënyrën më të mirë të mundshme. Kjo do të thotë të përpiqesh të arrish top katërshen dhe të ecësh përpara në Ligën e Kampionëve dhe Kupën e Italisë”, tha Allegri.
