Barcelona vendos rekordin historik për futbollin e femrave: sapo ka shitur 85 mijë bileta!
Barcelona ka bërë të ditur se tashmë ka ‘shitur’ 85 mijë bileta për ‘Clasico’ kundër Real Madridit të planifikuar për më 30 mars në Camp Nou dhe e vlefshme për rikthimin e çerekfinaleve të Ligës së Kampionëve për femra.
Ky është rekordi i ri i frekuentimit për një ndeshje futbolli për femra, i cili përmirëson atë të 60.739 shikuesve që në Wanda Metropolitano, në mars 2019 ishin dëshmitarë të përballjes mes Atletico Madridit dhe Barcelonës.
Për arritjen e rekordit të ri ndihmoi edhe fakti që anëtarët e Barçës mund të blinin biletat për supersfidë me një çmim prej 2.50 euro...
