Arminia dhe Greuther Furth ndajnë nga një pikë

Futboll

Arminia dhe Greuther Furth ndajnë nga një pikë

Më: 16 janar 2022 Në ora: 20:24
Arminia dhe Greuther Furth ndajnë nga një pikë

Arminia Bielefeld siguroi rezultatin e katërt radhazi pozitiv në Bundesliga, por mori vetëm një pikë në takimin shtëpiak ndaj Greuther Furth të vendit të fundit.

Takimi i luajtur në “Schüco Arena” u mbyll në barazim 2-2. Japonezi Masaya Okugawa ndërmori një inkursion të bukur në minutën e tetë dhe kaloi Arminian në avantazh.

Miqtë reaguan dhe rikthyen baraspeshën në minutën e 35-të. Aksion i bukur individual i 20-vjeçarit Jamie Leweling dhe topi në rrjetë. Greuther Furth gjeti golin e avantazhit në mesin e pjesës së dytë.

Norvegjezi Havard Kallevik Nielsen dërgoi topin në rrjetë, por nuk ishte e thënë që Greuther Furth të arrinte fitoren e dytë në Bundesliga, pasi Gonzalo Castro realizoi një gol fantastik shtatë minuta përpara fundit.

Përfundimisht barazim 2-2 në “finalen” e mbijetesës. Arminia ndan vendin e parafundit me Stuttgart me nga 18 pikë, ndërsa Greuther Furth mbetet në vend të fundit me 7 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat