Marseille e shfrytëzoi maksimalisht superioritetin numerik

Futboll

Marseille e shfrytëzoi maksimalisht superioritetin numerik

Më: 16 janar 2022 Në ora: 23:01
Marseille e shfrytëzoi maksimalisht superioritetin numerik

Olimpique Marseille dhe Lilla kanë ndarë nga një pikë në takimin e javës së 21-të të Ligue 1.

Skuadra e drejtuar nga Sampaoli nuk mundi që të ruante dot hapin e Nice, duke mbetur në vendin e tretë të renditjes pas barazimit 1-1. Marseille u befasua që në fillim të ndeshjes, teksa Sanches shërbeu saktë për Botman, me holandezin që arriti të zhbllokonte shifrat pa u mbushur 15 minuta lojë.

Pavarësisht nisjes fantastike, gjërat u ndërlikuan shumë për të besuarit e Gourvennec, të cilët u tradhtuan nga Andre, i cili pak pasi ishte mbushur gjysmë ore lojë, u ndëshkua me kartonin e dytë të verdhë.

Marseille e shfrytëzoi maksimalisht superioritetin numerik, duke vendosur baraspeshën në të 75-ën me Under, i cili arriti që të shënonte pas disa tentativave që nuk patën rezultat. Goli i gjashtë sezonal për 24-vjeçarin, që shmangu humbjen për vendasit. Në sekondat e fundit të ndeshjes, Marseille pati mundësinë për të përmbysur gjithçka, por rrjeta e Grbic mbeti e paprekur.

Marseille mbetet në vendin e tretë me 37 pikë, ndërsa kampionët në fuqi në mesin e tabelës, saktësisht në vendin e 10-të, me vetëm 29 pikë, duke qenë shumë larg pritshmërive e duke mos e përligjur statusin që zotërojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat