Presidenti i Federatës së Futbollit të Kosovës, Agim Ademi, gjatë qëndrimit disaditor në Gjermani me bashkëpunëtorët e tij, sot ka takuar ish-nënkryetarin e Federatës Gjermane të Futbollit, Rainer Milkoreit.
Në këtë takim, presidenti Ademi e falënderoi sërish z. Milkoreit për kontributin e jashtëzakonshëm të tij personalisht por edhe të Federatës Gjermane në procesin e pranimit të Federatës së Futbollit të Kosovës në instancat ndërkombëtare, UEFA e FIFA.
Presidenti Ademi, poashtu e falënderoi z. Milkoreit edhe për ndihmat tjera të shumta që ai dhe DFB-ja kanë dhënë pë zhvillimin e futbollit në Kosovë!
Në anën tjeter, z. Milkoreit u shpreh i lumtur me zhvillimin që ka bërë futbolli i Kosovës, duke shtuar se ky progres i FFK-së është edhe një deshmi se kauza e atyre viteve ka qenë e drejtë dhe FFK-ja sot me meritë është në gjirin e Federatave evropiane.
