Faqja britanike Money ka bërë renditjen e 15 stadiumeve më të këqij të Europës.
Klasifikimi është bazuar te komentet që kanë bërë tifozët dhe vizitorët në tre platforma të ndryshme: Tripavdisor, Google e Football Ground Map.
Mes 15 impianteve më këqij të kontinentit plot 5 janë të Serisë A: “Castellani” i Empolit, “Penzo” i Venecias, “Bentegodi” i Verona-s, “Franchi” i Firences dhe “Maradona” i Napolit.
Renditja nuk është e shoqëruar me shpjegime, por bëhet fjalë vetëm për një përllogaritje të mesatares së notave që kanë marrë stadiumet në internet: maksimumi teorik është 5, stadiumi i Empolit ka marrë 2.09.
Pak më mirë aknë bërë tre impiante të tjerë: Balaidos Stadium i Celta Vigo-s, Maksimir i Dinamos së Zagrebit dhe stadiumi “Re Baldovino” i kombëtares belge (të gjithë me një mesatare 3,37).
“Penzo” ka marrë 3,43, si Coliseum “Alfonso Perez” i Getafe-s, ndërsa pak më mirë janë paraqitur stadiumet e Verona-s (3,47), ai i Fiorentina-s (3.57) dhe ish-San Paolo (3,67).
