Bien pistat Botman dhe Tanganga

Futboll

Bien pistat Botman dhe Tanganga

Më: 20 janar 2022 Në ora: 11:54
Bailly

Milionat mungojnë dhe një gjë e tillë po e pengon Milanin të afrojë një qendërmbrojtës, aq të nevojshëm për Stefano Piolin që ka humbur shërbimet e Simon Kjaer dhe Fikayo Tomori (të dëmtuar).

Sven Botman i Lille është dëshira e madhe, por kampionët e Francës nuk e shesin shtatlartin holandez. “Nuk po nisedojmë me asnjë klub, ne duam ta mbajmë në ekip lojtarin”, deklaroi presidenti i Lille.

Japhet Tanganga është një tjetër emër që ndodhet në listën e dëshirave të dyshes Maldini-Massara, por Conte ka bllokuar huazimin e 22-vjeçarit anglez. Në kushte të tillë, drejtuesit e Milanit janë fokusuar te Eric Bailly.

27-vjeçari nuk bën pjesë në planet e Ralf Rangnick dhe United ka dhënë “ok”-in për huazimin e tij në Milanello. Lojtari po luan me Bregun e Fildishtë në Kupën e Kombeve të Afrikës, dhe Franck Kessie po e bind të pranojë kalimin te Milani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat