Fituesi i Kupës së Kosovës, Llapi nga Podujeva, vazhdon përgatitjet në Turqi.
Kryetrajneri i Llapit, Tahir Batatina, synon që të përgatis ekipin në mënyrën më të mirë.
“Sonte pas mesnate ekipi ynë, KF Llapi niset drejt Antalisë për zhvillimin e fazës përgatitore prej 13 ditësh para fillimit të kampionatit dhe ndeshjeve të Kupës.
Ekipi do të akomodohet në hotelin luksoz “Aska Lara Resort & Spa” për periudhën e qëndrimit nga data 21 janar deri më 3 shkurt.
Përveç stërvitjeve intensive nga dy herë në ditë, ekipi do t'i luaj edhe 5 ndeshje kontrolluese për të parë gjendjen reale para shumë sfidave me rëndësi që na presin në edicionin pranveror”, njofton KF Llapi.
