Interi është duke kërkuar një sulmues që mund ta nënshkruajë me kosto të ulët dhe ideja e Felipe Caicedo është shfaqur.
Sulmuesi ekuadorian kaloi katër vjet te Lazio nën drejtimin e trajnerit Simone Inzaghi dhe ai u bë një lojtar kyç për trajnerin italian.
Në 139 paraqitjet e tij për Biancocelesti, Caicedo shënoi 33 gola, me një numër prej tyre fitues ose barazues të minutës së fundit, shkruan footballitalia.
Siç raportohet nga La Gazzetta dello Sport, Interi dëshiron të nënshkruajë një zëvendësues afatshkurtër për të dëmtuarin Joaquin Correa, i cili do të mungojë për rreth 30-35 ditë dhe ata janë duke menduar të blejnë Caicedon.
Sulmuesi 33-vjeçar ekuadorian, i cili aktualisht është i huazuar te Genoa nga Lazio, mund të nënshkruhet në një marrëveshje huazimi, duke përforcuar sulmin e Inzaghit për një kosto të ulët.
