Partizani tentoi Ibraimin

Futboll

Partizani tentoi Ibraimin

Më: 22 janar 2022 Në ora: 12:19
Partizani tentoi Ibraimin

Partizani vazhdon të jetë në kërkim të një qendërsulmuesi. Për momentin të kuqtë kanë firmosur vetëm me Skukën, por sigurisht i riu nga Dibra nuk mjafton për të përballuar një sezon të gjatë dhe të vështirë.

Alternativat për të kuqtë kanë qenë disa, teksa një tjetër lojtar i Dinamos, Mario Gjata, ishte një nga dëshirat e tyre, por ndryshe nga Skuka, ishte e pamundur për të mbërritur tek ai. Shkak i kësaj ishte Apolonia, e cila refuzoi ta linte të lirë.

Fierakët kanë ende në pronësi një pjesë të kartonit të të riut. Gjata këtë sezon nuk ka mundur të tregojë aspak nga aftësitë e tij për shkak të dëmtimeve të njëpasnjëshme.

Ndërkohë, një tjetër emër i dëshiruar në kampin e kuq është Besart Ibrahimi. 35-vjeçari është pjesë e Xanthi në Greqi, ku ka kontratë deri në verë, por Partizani nuk ka ngurruar ta tentojë.

Gjithsesi, kërkesat e larta të tij për pagën e “trembin” klubin 16 herë kampion, që është në një luftë të ashpër me kohën për të gjetur një sulmues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat