Benzema: Nuk doja PSG-në përballë

Futboll

Benzema: Nuk doja PSG-në përballë

Më: 22 janar 2022 Në ora: 13:37
Benzema: Nuk doja PSG-në përballë

Real Madrid fitoi Superkupën e Spanjës, kryeson kampionatin me katër pikë mbi Sevillan, ndërsa në Champions League do të përballet me PSG-në në raundin e 1/8-ve.

Takimi i parë do të zhvillohet më 15 shkurt në Paris, ndërsa ndeshja e kthimit do të luhet më 9 mars në “Santiago Bernabeu”. Karim Benzema shfaqet i sinqertë në prononcimin e dhënë për Telefoot.

Sulmuesi francez do të dëshironte një tjetër rival përballë në turneun më të rëndësishëm për klube. “Sfida po afrohet dhe ndeshjet e Champions janë gjithmonë të komplikuara.

Të jem i sinqertë, unë do të doja të përballesha me një tjetër skuadër, por për fat të keq goglat na vunë përballë PSG-së”, deklaroi 34-vjeçari, i cili ka një koment edhe për Kylian Mbappe.

“Sfida me Mbappe do të jetë e veçantë. Ne kuptohemi shumë mirë me njëri-tjetrin në kombëtare. Sigurisht që do të jetë një super sfidë kundër tij dhe PSG-së”, theksoi Benzema.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat