Zbulohet se kush ka shitur më shumë fanella në 2021

Futboll

Zbulohet se kush ka shitur më shumë fanella në 2021

Më: 26 janar 2022 Në ora: 23:26
Zbulohet se kush ka shitur më shumë fanella në 2021

Gjiganti gjerman Bajern Munihu është skuadra që ka shitur më së shumë fanella gjatë vitit 2021.

Rezultatet janë llogaritur nga “Euromerica Sport Marketing”, të cilët janë të certifikuar nga FIFA, dhe ata zbuluan se Bajern Munihu shiti 3.2 milionë fanella vitin e kaluar në kontinent, më shumë se çdo klub tjetër futbolli.

Real Madridi doli në vendin e dytë, me 3 milionë fanella, i ndjekur nga Liverpuli me 2.4 milionë dhe Man. Junajtedi me 1.95 milionë.

Juventusi është skuadra e vetme italiane në Top 10, duke u renditur në vendin e pestë pas shitjes së 1.42 milionë fanellave. “Zonja e Vjetër” ka mposhtur Barcelonën në vendin e gjashtë, me 1.34 milionë, pastaj fituesi i Ligës së Kampionëve, Çellsi shiti 1.31 milionë dhe Borusia Dortmundi me 1.18 milionë.

Paris Sen Zhermeni pa dyshim shënoi një rritje me ardhjen e Lionel Mesit, por megjithatë shiti vetëm 1.18 milionë fanella dhe Man. Siti ka shitur 1.087 milionë.

Me kufizimet e stadiumeve gjatë pandemisë, shitja e fanellave është bërë një nga flukset më të rëndësishme të të ardhurave për klubet evropiane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat