Bajrami përfundon në llupën e Milanit dhe Napolit

Futboll

Bajrami përfundon në llupën e Milanit dhe Napolit

Më: 27 janar 2022 Në ora: 12:34
Bajrami përfundon në llupën e Milanit dhe Napolit

Nedim Bajramit i ka mjaftuar një gjysmë sezoni në Serie A për t’u vënë në lupën e klubeve të mëdha italiane.

Pas Lacios e Juventusit, në skenë ka dalë edhe Napoli me Milanin. Gazetari Nicolo Schira ka bërë me dije se të d këto klube po mbajnë në monitorim mesfushorin shqiptar, të cilin e shohin si përforcimin e duhur për sezonin e ardhshëm.

Ndërkohë vetë presidenti i Empolit pak ditë më parë do të pranonte se do e kishte të vështirë të mbante 22-vjeçarin në skuadër gjatë merkatos së verës.

Për këtë arsye zgjidhja e vetmë për të është të pasurohet nga transferimi i lojtarit të Kombëtares kuqezi. Empoli ka rritur çmimin për kartonin e Bajramit, teksa nga 10 milionë euro tashmë kërkon 12 milionë.

Një shifër kjo që duke parë paraqitjet e mesfushorit pritet të rritet edhe më tepër deri në fund të sezonit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat