Reali i Madridit e gjen në Principatë pasuesin e Casemiros

Futboll

Reali i Madridit e gjen në Principatë pasuesin e Casemiros

Më: 27 janar 2022 Në ora: 13:20
Reali i Madridit e gjen në Principatë pasuesin e Casemiros

Reali i Madridit duket se ka përcaktuar objektivin e tij të parë për sezonin 22-23 dhe ky nuk është askush tjetër veçse francezi Aurélien Tchouameni, mesfushori i Monacos. Përfaqësues të Realit kanë udhëtuar drejt Principatës për të folur nga afër me menaxherët e futbollistit, i cili ka një vlerë rreth 60 milionë euro.

Mesfushori ka qenë në “radarin” e “Los Blancos” para se të bëhej titullar me Deschamps në përfaqësueses franceze. Ancelotti deklaroi javën e kaluar klubi po kërkon një mesfushor të pastër, që të jetë alternativë ideale për Casemiron dhe i zgjedhuri është Tchouameni.

Ancelotti e ka vendosur Camavingën në mesfushë dhe pavarësisht se e ka kaluar testin, stafi konsideron se është e nevojshme ardhja e një specialisti si lojtari i Monakos, i cili nga një futbollist premtues është shndërruar në në realitet, siç e ka treguar edhe në ndeshjet e fundit të skuadrës franceze.

Skuadra madrilene nuk është e vetmja që ka pyetur për mesfushorin, por siç ndodhi me Camavinga, puna në terren e nisur muaj më parë, i jep përparësi Realit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat