FIFA reagon për situatën momentale të krijuar në FSHF: Jemi në dispozicionin tuaj të plotë

Futboll

FIFA reagon për situatën momentale të krijuar në FSHF: Jemi në dispozicionin tuaj të plotë

Më: 27 janar 2022 Në ora: 20:20
Ilustrim

Pas reagimit të presidentit të FIFA-s Gianni Infantino në lidhje me rastin e sulmit të shtëpisë së presidentit të Federatës Shqiptare të Futbollit (FSHF) Armando Duka, tani ka reaguar edhe FIFA.

Përmes një letre zyrtare, shtëpia e futbollit ndërkombëtarë u shpreh e shqetësuar mbi situatën në të cilën po e kalon FSHF për shkak të përfshirjes së politikës.

FIFA tregoi se FSHF ka përkrahje të plotë, ndërsa aktin vandal para shtëpisë së presidentit Duka e dënoi rëndë.

Ndërkaq, më poshtë e gjeni letrën e plotë të FIFA-s drejtuar FSHF-së.

“Me shumë shqetësim kemi mësuar për situatën mjaft problematike me të cilën po përballet Federata Shqiptare e Futbollit (FSHF) në procesin e saj zgjedhor. Në këtë aspekt dhe para së gjithash, u shqetësuam shumë kur morëm vesh për shpërthimin me bombë të ndodhur më 24 janar 2022 në shtëpinë e familjes së Presidentit të FSHF-së, z. Armand Duka. FIFA e dënon këtë akt në mënyrën më të ashpër të mundshme”, shkruante në letrën e FIFA-s.

“Së fundi, dëshirojmë të theksojmë se FIFA pret që FSHF-ja të mbetet në pozicionin për të zhvilluar një proces zgjedhor paqësor, transparent dhe të rregullt, pa ndikimin e panevojshëm nga palët e treta në përputhje me statutet dhe rregulloret e sapo miratuara të FSHF-së, si dhe kërkesat e FIFA-s. Ju do të keni mbështetjen tonë absolute në përpjekjet tuaja dhe ne jemi në dispozicionin tuaj të plotë nëse FSHF do të kërkojë ndihmë”, shkruante më tej në letrën e FIFA-s.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat