Muriqi vijon karrierën në La Liga

Futboll

Muriqi vijon karrierën në La Liga

Më: 28 janar 2022 Në ora: 20:12
Muriqi vijon karrierën në La Liga

Vedat Muriqi do të vijojë karrierën në La Liga. Sulmuesi dardan u ble nga Lazio për shumën e 20 milionë eurove në shtatorin e vitit 2020, por ai nuk arriti të lërë gjurmë tek ekipi italian, duke shënuar vetëm një gol në Serie A.

Trajneri Sarri nuk e ka në plane dhe Lazio e ka nxjerrë prej kohësh në merkato lojtarin nga Prizreni, autor i 18 golave në 37 ndeshje me Kosovën. Për Muriqin interesohet Mallorca, që ka arritur akordin me drejtuesit e Lazios.

27-vjeçari do të huazohet në ishull deri në fund të sezonit, teksa Mallorca do të ketë mundësinë e blerjes së kartonit të Muriqit për shumën e 12 milionë eurove.

Në marrëveshjen mes klubeve, që pritet të zyrtarizohet ditën e shtunë, është vendosur që rrogën e lojtarit potent ta paguajë Mallorca, që renditet në vendin e 17-të në La Liga, dy pikë mbi zonën e ftohtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat