Giroud rrëfen aventurën e madhe me Milanin

Futboll

Giroud rrëfen aventurën e madhe me Milanin

Më: 29 janar 2022 Në ora: 13:22
Giroud rrëfen aventurën e madhe me Milanin

I intervistuar nga “Oh My Goal”, sulmuesi i Milanit, Olivier Giroud foli për ardhjen e tij në Itali: “Në këtë moshë, duke pasur mjaft përvojë, keni përshtatshmëri mjaft të mirë. Pra, adaptimi në një klub dhe ligë të re është më e lehtë se kur jeni djalë i ri.

Të kontaktoja me të tjerë ishte e lehtë për mua, duke ditur pak italisht falë origjinës së gjyshës sime. I dija disa fjalë dhe kjo është e rëndësishme. Integrimi im u favorizua edhe nga fakti se te Milani janë disa lojtarë që flasin frëngjisht.

Aty gjeta disa djem që i njihja dhe në fund të fundit, ajo që më kërkon trajneri në fushë nuk është shumë e komplikuar për mua, sepse e di se çfarë duhet të bëj. Kam pak problem gjyqtarët, që kanë tendencë të vërshëllejnë për kontakte më të lehta se sa në Premier League.

Milani? Është e vërtetë që sezonin e kaluar kam pasur probleme me minutat e aktivizimit dhe konkurrenca ishte e ashpër. Kur Milani u interesua për mua, qartësisht pranova menjëherë. Për mua ishte një sprovë. Kam biseduar me Massara dhe Maldini. E kuptova menjëherë që më kërkonin dhe me fjalimin që më mbajtën u binda menjëherë.

Ndihem me fat dhe krenar që kam kaluar 9 vite në Premier League, në klube të mëdha angleze, ku kam fituar kaq shumë. Tani shoh përpara, Milani është një aventurë e madhe. Dua të fitoj dhe të rikthehem në krye të Italisë me fanellën kuqezi”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat