Muriqi pritet të debutojë sot me Mallorcan

Futboll

Muriqi pritet të debutojë sot me Mallorcan

Më: 2 shkurt 2022 Në ora: 11:10
Vedat Muriqi

Sulmuesi Vedat Muriqi këtë afat kalimtar të transferimeve të janarit kaloi nga Lazio në formë huazimi te skuadra spanjolle Mallorca.

Ndërkaq, kjo e fundit sot me fillim nga ora 20:00 do të përballet kundër skuadrës së Rayo Vallecanos, ndeshje kjo e vlefshme për fazën e çerekfinales së Kupës së Mbretit.

Sa i përket ndeshjes së sotme, trajneri i Mallorcas Luis Garcia përmes një konference për media e konfirmoi që sulmuesi kosovar Muriqi mund të debutojë në fanellën e skuadrës spanjolle.

“Nëse kompleton dokumentacionin, Muriqi do të luajë që nga minuta e parë”, tha trajneri i Mallorcas Luis Garcia.

Por, si do dukej formacioni i mundshëm i Mallorcas me Muriqin në krye, e gjeni më poshtë.

Mallorca (4-2-3-1): Roman; Maffeo, Russo, Sedlar, Costa; Battaglia, Ruiz de Galarreta; D. Rodriguez, Kubo, Sanchez; Muriqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat