Vjen një argjentinas dhe ikën tjetri

Futboll

Vjen një argjentinas dhe ikën tjetri

Më: 3 shkurt 2022 Në ora: 12:30
Vjen një argjentinas dhe ikën tjetri

Që Interi me mbylljen e merkatos nuk është ndalur me objektivat e tij për të përforcuar organikën, kjo është pak të thuhet.

Si gjithmonë Bepe Marota ndjek çdo pistë që u leverdis zikaltërve, por Paulo Dibala është prej kohësh një emër që vërtitet në mendjen e administratorit të deleguar.

Ndërsa kontrata e argjentinasit me Juventusin skadon në qershor dhe ende nuk ka rinovuar, marrëdhënia e mirë e 28-vjeçarit me Marotën e bën të lidhet gjithmonë me Interin për më tepër që mund të transferohet me parametër zero, raste që drejtuesi zikaltër rrallë i lë pa shfrytëzuar.

Por tek Interi e dinë mirë se në rast të mbërritjes së tij, dikush do të sakrifikohet dhe bëhet fjalë për Lautaro Martinezin.

Lideri i zikaltërve sapo ka rinovuar, por klubet që janë në ndjekje të tij janë të shumta dhe një largim i tij nga Milano në rast të mbërritjes së Dibalës, do të ishte një skenar që nuk përjashtohet, aq më tepër që të ardhurat që mund të vijnë nga shitja e sulmuesit do të mbushin arkat zikaltër, të cilat kanë nevojë më shumë se kurrë për para.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat