Paçarada asiston në fitoren e madhe të St. Paulit në udhëtim 

Futboll

Paçarada asiston në fitoren e madhe të St. Paulit në udhëtim 

Nga: K. Goca Më: 12 shkurt 2022 Në ora: 22:55
Paçarada asiston në fitoren e madhe të St. Paulit në udhëtim 

Futbollisti nga Kosova, Leart Paçarada, me ekipin e tij, St. Pauli, u kthyen me tri pikë shumë të rëndësishme nga stadiumi Regensburg.

St. Pauli ka shënuar fitore me rezultat 3:2 ndaj  Regensburg-ut, në një ndeshje të luftuar deri në pikën e fundit. 

Paçarada ka treguar angazhim të pashoq, duke iu dhënë zemër bashkëlojtarëve. 

Ai në minutën e 7-të asistoi për bukuri, ndërsa Amenyido realizoi për 0:1.

Për St. Paulin shënuan Amenyido (7’), Burgstaller (11'-nga penalltia), Kyereh (66') dhe për  Regensburgun Alberts (56') e Otto (73'). 

Paçarada u ndëshkua me karton të verdhë në minutën e 84-të. Faqja e specializuar për statistika "Sofascore", Paçaradën e ka vlerësuar me notë shumë të mirë, 7.4. 

St. Pauli kryeson me 41 pikë aq sa ka edhe Werderi në pozitën e dytë pas 22 jave në Bundesliga II, ndërsa Regensburg është i nënti me 31 sosh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat